Kristín Sif þyngdist um tíu kíló - gettu hvað hún gerði rangt

Kristín Sif Björgvinsdóttir, útvarpskona á K100, segir frá því á Instagram að hún hafi þyngst um tíu kíló og alls ekki skilið hvers vegna. Kristín Sif er ein hraustasta kona Íslands en hún æfir crossfit af kappi og keppir í hnefaleikum. 

Á Instagram segir hún frá því að hafa borðað mjög hollan og mjög hreinan mat og hafi leitað til sérfræðings til að fá skýringu á því hvers vegna hún væri að þyngjast svona. Hún segist loksins vera komin á rétta braut eftir algert rugl tímabil. 

Hún játar að hún hafi ekki skilið neitt í neinu og fylgst með tölunni á vigtinni fara upp. 

„Ég fylgdist vandlega með mataræðinu og þyngdinni út af því að ég er að boxa, en allt í einu, án þess að breyta neinu í mataræðinu. Ég borðaði hreinan og góðan mat, þá þyngdist ég um 10 kg á nokkrum mánuðum. Ég gat ekki fundið út hver ástæðan væri. Ég fór í blóðprufu, talaði við sérfræðinga og áttaði mig svo á því að þetta væri getnaðarvörnin sem var að orsaka þetta… Hormónar!“

Hún segir frá því að hún hafi látið fjarlægja getnaðarvörnina sem hún var á og nú eru fimm kíló farin á einum mánuði án þess að hún hafi breytt neinu í mataræði sínu. 

• Blogga um frétt