Maginn er ekki alltaf „fullkominn“

Líkamsræktaráhrifavaldurinn Steph Smith birti samsetta mynd af maganum á sér á Instagram sem sýnir vel hvernig líkami henanr breytist eftir dögum. Smith segist glíma við mikla uppþembu rétt fyrir blæðingar og hvetur annað fólk til þess að gefast ekki upp þrátt fyrir að einn daginn sé maginn kannski örlítið stærri en vonast var til.  

Segir Smith að það skipti ekki máli hversu þungt fólk sé, líkaminn muni alltaf taka breytingum. Hún segir að meira að segja fólk sem hefur talið sig hafa fundið sína réttu þyngd glími við þessar eðlilegu sveiflur líkamans. Þetta er þó ekkert til að hafa áhyggjur af og segir samfélagsmiðlastjarnan þetta eitt af því fallega við mannslíkamann. 

Myndirnar sýna vel hvernig sami líkaminn getur litið misjafnlega út. 

• Blogga um frétt