5 algengustu mýturnar um heilbrigðan lífsstíl

Sara Barðdal einkaþjálf­ari og heil­su­markþjálfi segir í nýjum pistli á heimasíðu sinni að hún spyrji fylgjendur sínar á Instagram reglulega að því hver sé þeirra helsta hindrun þegar kemur að heilbrigðum lífstíl. „Ég hef ekki tíma, ég finn ekki hvatninguna eða nennuna, ég er ekki tilbúin.“ Þetta eru allt svör sem Sara hefur fengið en hún er handviss um að það sé til lausn fyrir alla. Sara heldur áfram og útskýrir mál sitt: 

„Alls konar útskýringar sem er í rauninni að segja það sama: „Ég sjálf“.

Við sjálfar erum okkar helsta hindrun, hugsunarvillur okkar, viðhorf og sögur sem við endurtökum í huganum, trúleysi, óöryggi, óvissa o.s.frv. 

En það eru til lausnir við öllu! Ég virkilega trúi því. Ef staðfestan og viljinn er fyrir hendi, þá getur þú fundið leið og lausn fyrir þig. 

Hún þarf ekki að líta eins út og hjá vinkonu þinni, frænku eða mömmu. En leiðin er til fyrir þig. Það er bara spurning um að taka ákvörðunina og byrja að leita og gera tilraunir. 

Í dag langar mig að deila með þér 5 algengum mýtum um heilbrigðan lífsstíl og mínum svörum við þeim. 

Ein mest notaðasta er:

1. Það er tímafrekt að hugsa um heilsuna og ég hef ekki meiri tíma

Við höfum öll sömu 24 klst. í sólarhringnum, þetta er bara spurning um skipulag og forgangsröðun. 

Hvað ertu að ákveða að setja í dagskrána þína?

Mundu að allt sem er þarna er af því þú sagðir já við því.  

Þú þarft að taka aftur við stjórninni á tímanum þínum, ekki leyfa honum að stjórna þér. 

Hvernig ertu að forgangsraða? 

Ert þú nr. 10 í röðinni og ef það „gefst“ tími þá gerir þú eitthvað fyrir þig? 

Allir hafa 24 tíma í sólarhringnum. AFP

Það virkar ekki þannig, þú þarft FYRST að skipuleggja sjálfsumhyggju, hreyfingu eða það sem þú vilt koma inn í dagskrána og SÍÐAN sjá hvernig eða hvort þú komir restinni inn. 

Fáðu stuðning eða hjálp frá maka, fjölskyldu eða vinkonum til að hugsa um matinn, ná í krakkana, heimilisstörf, skutla á æfingu eða hvar sem þú þarft á stuðningi að halda. Við þurfum ekki að gera allt sjálfar. 

Segðu oftar NEI. Er dagskráin þín full af kaffihúsahittingum, löngum símtölum, skrolli á samfélagsmiðlum, þáttaseríum eða saumaklúbbum? 

Finnst þér þú þurfa vera alls staðar, gera ALLT, vera sannkölluð ofurkona?  

Mundu að það er í lagi að segja nei. Það er í rauninni alveg lífsnauðsynlegt í þessu hraða samfélagi sem við lifum í í dag. 

Segðu oftar NEI til þess að segja JÁ við þér. 

Skoðaðu vikuna þína, hvernig ertu að nýta tímann? 

Ég veit að þú getur fundið a.m.k eina klst. á dag fyrir sjálfa þig, hvort sem það þýðir að þú þurfir að vakna fyrr, kveðja Netflix í einhvern tíma, Facebook eða hvað sem er. 

Þú getur þetta, tímaleysi er ekki gild afsökun. 

2. Það er ómögulegt að breyta venjum, ég er eins og ég er

Þarna getur ýmislegt verið í gangi, en ef þú ert að segja þetta við sjálfa þig er nauðsynlegt að skoða hugarfarið þitt. 

Hugarfarið er nr. 1, 2 og 3 upp á að gera langtímabreytingar og þess vegna legg ég svo mikla áherslu á hugarfarsþjálfun í öllum námskeiðum HIITFIT. 

Ef þú ert þarna, þá vantar þig að hafa trú á sjálfa þig. Þú ertu að láta tilraunir fortíðarinnar hafa áhrif á nútíðina og framtíðina. 

Þú hefur jafnvel gert margar misheppnaðar tilraunir áður fyrr, en það þarf ekki að þýða að næsta tilraun misheppnist líka. 

Þú hefur kannski bara verið að beita röngum aðferðum, gert of miklar kröfur til sjálfrar þín, vantað að gera hugarfarsbreytingu eða ekki haft trúna á sjálfa þig frá upphafi. Þannig að tilraunin var dauðadæmd til að byrja með. 

Hvað ef það væru engar misheppnaðar tilraunir?  

Hvað ef þetta var bara allt saman undirbúningur og lærdómur fyrir þig þannig að þegar þú finnur loksins það sem hentar þér, þá muntu ná árangrinum sem þú óskar þér? 

Horfðu á þetta sem reynslu sem þú hefur sankað að þér og getur lært af. 

Vertu tilbúin að horfa á heilbrigðan lífsstíl nýjum augum og hafðu trú á sjálfri þér. 

Gefðu sjálfri þér séns og horfðu á þetta sem langhlaup. Taktu minni skref í einu og byggðu ofan á þau. Það er betra að nálgast markmiðin sín hægt og rólega frekar en að lenda á vegg og stoppa. 

3. Að lifa heilbrigðum lífsstíl er leiðinlegt og erfitt

Það er það ef þú lifir eftir stöðugum boðum og bönnum, upplifir það hamlandi, velur óspennandi og þurran mat. Það er að sjálfsögðu erfitt ef þú velur hreyfingu sem þér þykir leiðinleg og upplifir þetta sem kvöð frekar en löngun. 

Hérna þarf að vinna með hugarfarið og virkilega skoða viðhorfin gagnvart heilbrigðum lífsstíl. 

Prófaðu að skipta út setningunum:

„Ég þarf að hreyfa mig“ yfir í „ég fæ að hreyfa mig“.

„Ég þarf að borða salatið“ yfir í „ég vel að fá mér salatið“.

„Ég þarf að neita mér um allt” yfir í „ég vel það besta fyrir mig“.

Það er gott að hreyfa sig. Ljósmynd / Getty Images

Finnurðu muninn? 

Við verðum að fara hugsa um heilbrigðan lífsstíl sem sjálfsumhyggju og sjálfsagðar venjur af því að okkur þykir vænt um okkur, viljum velja það besta fyrir heilsuna og vera þannig betur til staðar fyrir okkar nánustu. Því þú ert ekki bara að hjálpa sjálfri þér með því að hugsa vel um þig. Þú ert að fara vera fyrirmynd fyrir þína nánustu, þú ert á koma þér á betri stað, líða betur og ert að stuðla að orkumeira lífi. 

Við gefum ekki úr tómum bolla. Það er því kominn tími til að forgangsraða þér og heilsunni þinni. Það græða allir á hamingjusamari og glaðari mömmu, ömmu, vinkonu, frænku eða vinnufélaga.

• Blogga um frétt