Þeir sem fylgjast með tískukryddinu Victoriu Beckham á Instagram vita að hún elskar að dansa og á það til að slengja öðrum fætinum á sér upp í loftið þegar svo ber undir.
Þáttastjórnandinn Ellen DeGeneres spurði hana um þetta uppátæki á dögunum og fékk þá hvatningu frá Beckham að prófa stellinguna með sér.
DeGeneres gerði sér lítið fyrir og tók stellinguna furðulegu með Beckham. Það sem kom fólki á óvart er hversu liðug DeGeneres er. Þeir Cruz og Romeo Beckham, synir Victoriu og Davids Beckham, hafa tekið sig til og gert grín að móður sinni með því að birta myndir af sér í sömu stellingu eins og fjallað hefur verið um í fréttum áður.