Svona heldur Kate Beckinsale sér í formi

Leikkonan Kate Beckinsale er 46 ára og hefur sjaldan eða aldrei verið í betra formi. Hún blandar saman hollu mataræði, erfiðum æfingum og teygjum svo dæmi séu tekin. Þeir sem fylgjast með henni á samfélagsmiðlum sjá að hún elskar að hreyfa sig og dansa. Grunninn að góðu formi hennar má sjá hér:

Mataræði

Beckinsale borðar þrjár máltíðir á dag og tvær litlar þess á milli. Hún drekkur einnig mikið af vatni yfir daginn. Maturinn sem hún borðar er vanalega heimagerður og lífrænn. Hún forðast sykur, kartöflur og önnur kolvetni. 

Í morgunmat borðar hún sem dæmi soðin egg, eggjakökur eða hafragraut. Í hádeginu fær hún sér kjúkling, brún hrísgrjón eða grænmeti. Síðan á kvöldin fær hún sér fisk, kjúkling eða kalkún svo dæmi séu tekin. 

Líkamsrækt

Hún fer í leikfimi fimm sinnum í viku og gerir erfiðar æfingar í tæpa klukkustund í senn. Hún er mikið fyrir að dansa á milli æfinga og síðan eyðir hún góðum tíma í teygjur. Hún er með þjálfara að teygja á sér, en einnig teygir hún heima fyrir. Með þessu móti fær hún langa vöðva. 

Andleg vellíðan

Að mati Beckinsale skiptir andlega hliðin ekki síður máli en sú líkamlega. Hún mælir með að prófa að hugsa hlutina eilítið öðruvísi á degi hverjum og segir að fallegar hugsanir geti breytt heilmiklu í lífinu. 

• Blogga um frétt