Leikkonan Kate Hudson leyfði sér að slaka, njóta og borða yfir hátíðirnar eins og svo margir aðrir. Hún greindi frá því á Instagram að hún hefði þyngst um fimm kíló yfir jól og áramót. Hún er ekki ánægð með töluna og ætlar að létta sig aftur.
Hudson segist vanalega vera rúmlega 56 kíló en segist nú vera um 61 kíló. Segist hún þess vegna þurfa að létta sig um fimm kíló. Hún telur reyndar að eitt og hálft til rúmlega tvö kíló séu uppsafnaður bjúgur.
Hudson segir að hún sé mjög grönn en á sama tíma mjög sterk. Segir hún mikilvægt að skilja að það er ekki endilega slæmt að vera þungur þegar kemur að vöðvum. Þar sem hún er þó þyngri en vanalega ætlar hún sér þó að léttast aðeins.
Líklega eru þó nokkrir sem kannast við það að þyngjast aðeins yfir jól og áramót.