Leikkonan og aðgerðasinninn Ashley Judd vekur máls á áhrifum kórónuveirunnar með nýlegri ljósmynd á samfélagsmiðlum af tómum hillum í hverfisversluninni sinni.
„Við höfum eins og svo margir aðrir verið að kaupa vörur til að birgja okkur upp ef við endum í sóttkví eins og svo margir. Í hverfisversluninni okkar eru fjölmargar hillur orðnar tómar. Eins fengum við tilkynningu frá Harvard um að kennsla eftir vorfrí verði á netinu.“
Hún segist þakklát fyrir að hafa tileinkað sér lífsstílinn að lifa einn dag í einu og þá hæfni að kunna að hugsa vel um sig og taka ábyrgð á sér.
„Þolinmæði, samvinna, velvild, rétt forgangsröðun og sjálfsábyrgð mun gagnast okkur sem einstaklingum hvað best og samfélaginu okkar líka.“