Viltu verða besta útgáfan af þér í sumar?

Fjölmargir þrá að komast í frábært form fyrir sumarfríið. Þessir einstaklingar hafa ef til vill unnið baki brotnu síðastliðin ár og haft minni tíma en þeir vildu fyrir sjálfa sig og heilsuna. 

Gæti verið að þú værir ein/n af þeim sem gætu hugsað um heilsuna á annan hátt?

Hvað myndi gerast ef þú færir bara hægt af stað og gerðir eitthvað eitt lítið daglega sem gæti komið þér í formið sem þig dreymir um á næsta ári?

Hér eru nokkur góð atriði til að hugsa um í þessu samhengi:

Farðu á staðinn

Ef þig hefur alltaf dreymt um að vera í þínu besta formi í sundi; með gyllta húð, í fallegum sundfötum og synda eins og fiskur í lauginni, af hverju prófarðu þá ekki bara að pakka fallegum sundfötum í töskuna? Taktu með góðan brúsa af kremi og vandað sjampó og einsettu þér að fara í laugina daglega.

Ekki hugsa um að synda heilan helling, bara að fara í laugina daglega, í heita pottinn og kalda á víxl, synda nokkrar ferðir og hafa það notalegt. Það er staðurinn sem fólk þarf að byrja á. Eitthvað sem þú gerir samviskusamlega daglega sem er gott fyrir þig. Mun hafa mikil áhrif og framkalla miklar breytingar í framtíðinni.

Farðu hægt af stað

Þeir sem þrá að keppa í Reykjavíkurmaraþoni ættu að leyfa sér að fara út að ganga eða skokka daglega. Það er ekki spurningin um vegalengdina í upphafi. Það tala allir um að rösk ganga í klukkustund á dag verði til þess að fólk fari að hlaupa hægt og rólega með tímanum.

Að ná upp þreki og leyfa líkamanum að komast í form hægt og rólega þykir eins mikilvægt og að leyfa líkamanum að jafna sig hægt og rólega eftir æfingar.

Leyfðu þér að gera það sem þú gerðir áður

Ef þú ert einn af þeim sem spiluðu fótbolta hér á árum áður eða varst nemandi í klassískum ballett gæti verið að líkaminn væri að kalla á þá æfingu sem hann er vanur. 

Það þarf ekki að kosta miklu til til að setja eina litla stöng og spegil inn á heimilið. Ballett er einstaklega þægileg æfing fyrir líkamann og ætti alltaf að stunda með mýkt og fegurð í huga.

Það sama má segja um knattspyrnu; það þarf ekki að fara of geyst af stað. Stundum getur það að hóa í nokkra gamla vini og skjóta á markið gert gæfumuninn.

• Blogga um frétt