Bandaríski leikarinn Cole Sprouse tók sér hlé frá samfélagsmiðlum í heilan mánuð nú í sumar. Það gerði hann til að huga að andlegri heilsu sinni. Hann hvetur aðra til að gera slíkt hið sama og passa upp á heilsuna, bæði andlega og líkamlega.
Sprouse er hvað best þekktur fyrir hlutverk sitt í unglingaþáttunum Riverdale en hann fór einnig með hlutverk Ben í Friends á sínum yngri árum. Hann hefur verið í sviðsljósinu frá unga aldri og segir að það taki sinn toll af heilsunni.
„Ég veit ég er ekki búinn að vera á samfélagsmiðlum í smá tíma. Ákvað að taka langþráð hlé til að huga að andlegu heilsunni. Ég hef aldrei verið mjög virkur á samfélagsmiðlum, en jafnvel lágmarksvirkni á samfélagsmiðlum í sóttkví tók sinn toll af mér,“ skrifaði Sprouse í færslu sinni á Instagram.
Hann segir að hann sé smátt og smátt að byrja að vinna aftur. „Fyrir einhvern sem hefur unnið alla sína ævi hef ég komist af því að ég virka best í rútínu. Að vita hvenær maður á að draga sig í hlé, eins og ég gerði á háskólaárunum, og hvenær best er að koma aftur er góður hæfileiki fyrir hvaða unga listamann sem er,“ sagði Sprouse.
Hann hvatti fólk til að taka sér hvíld og huga að heilsunni, andlegri og líkamlegri.
„Með tímanum munum við sjá hvaða raunverulegu afleiðingar þessi heimsfaraldur mun koma til með að hafa, risastórt alheimsáfall. Afleiðingarnar verða ekki síst vegna þess hvernig Bandaríkjunum hefur mistekist að takast á við faraldurinn. Það eru að koma stórar kosningar hér og ég hvet alla í Bandaríkjunum að íhuga alvarlega okkar nútímalega heilbrigðiskerfi,“ sagði Sprouse.