Breska söngkonan Lily Allen fagnar eins árs edrúafmæli og deilir „fyrir og eftir“-myndum af sér á Instagram til þess að fagna áfanganum. Allen er 35 ára og hefur átt í erfiðleikum með að ná tökum á lífi sínu. Hún lifði hátt, ánetjaðist fíkniefnum og megrunarpillum og varð fyrir ýmsum áföllum á borð við það að hafa fætt andvana barn. Nú virðist hún hafa snúið blaðinu við og horfir björtum augum fram á við.