Stundum eiga karlar í erfiðleikum með að endast þegar hæst ber í ástaleik. Það er þó margt hægt að gera til þess að auka endinguna og ánægjuna.
Það eru ekki bara konur sem eiga að þjálfa grindarbotninn heldur karlar líka – allir karlar, alltaf. Það er til mikils að vinna því sterkur grindarbotn er ávísun á góða þvagblöðru og hjálpar til við að fá stífan lim og kemur í veg fyrir brátt sáðlát. Gott er að herpa vöðvana líkt og þú sért að stöðva þvaglát. Haltu spennunni í tvær sekúndur í senn.
Það er gott að gera armbeygjur því margar stellingar í rúminu krefjast þess að maður sé sterkur í öxlum og höndum. Jafnvel trúboðastellingin getur reynt á handleggi karlanna og því geta armbeygjur hjálpað til við að auka úthaldið í rúminu.
Hnébeygjur hjálpa til við að styrkja neðri líkamann og grindarbotninn. Haldir þú á lóðum ertu líka að styrkja handleggi um leið.
Liggðu á gólfinu með fætur á jörð og þrýstu upp mjöðmunum og spenntu rassinn. Æfingar sem þessar eru góðar fyrir bæði kynin og auka ánægju í rúminu.