Arna Björk Kristinsdóttir húðlæknir hjá Húðlæknastöðinni svarar spurningum lesenda Smartlands. Hér fær hún spurningu frá konu sem veltir fyrir sér hvað hægt sé að gera við húðina eftir að hún léttist. 

Góðan daginn. 

Ég hef grennst um 6-8 kg undanfarna mánuði og húðin liggur í fellingum utan á mér, sérstaklega innan á lærunum, á maganum og undir upphandleggjunum. Mælir þú með einhverju; góðu kremi, æfingum eða bara að reyna að fitna svolítið aftur en það virðist vera erfitt?

Kv. Jóhanna

Arna Björk Kristinsdóttir húðlæknir hjá Húðlæknastöðinni svarar spurningum lesenda.

Sæl og takk fyrir spurninguna.

Því miður hafa krem ekki mikil áhrif á slappa húð eftir fitutap. Æfingar eru að sjálfsögðu góðar fyrir alla. Í þínu tilfelli myndi ég mæla með lyftingaæfingum. Þær byggja upp og stækka vöðvana sem síðan fylla út í slappa húð.

Til eru tæki, svokölluð húðþéttingartæki, til dæmis Ultraformer, sem geta þétt húðina þar sem hún er slöpp. Það gæti jafnvel hentað þér en þarf að sjálfsögðu að meta af þeim sem framkvæma meðferðina.

Í sumum tilfellum, ef þyngdartapið er mikið, er skurðaðgerð besta ráðið til að losna við slappa húð. Það eru þá lýtalæknar sem gera þessar aðgerðir.

Gangi þér vel með þetta og bestu kveðjur,

Arna Björk Kristinsdóttir húðlæknir. 

Liggur þér eitthvað á hjarta? Þú getur sent Örnu spurningu HÉR. 

Tengdar fréttir

Spurðu húðlækninn

Er þetta rósroði eða eitthvað allt annað?

• Hvernig er hægt að losna við poka undir augum?
• Eldist fólk hraðar sem vinnur fyrir framan tölvu?
• Er hægt að laga húðskemmdir eftir ljósabekki?
• Hvað getur fólk gert til að koma í veg fyrir sortuæxli?

» Fleiri tengdar fréttir

• Blogga um frétt