Lína Birgitta segir líkama sinn alls konar

Áhrifavaldurinn Lína Birgitta birti raunsanna mynd af sér á instagram þar sem hún vakti athygli á að fólk vandar yfirleitt valið mjög vel áður en það birtir myndir  á samfélagsmiðlum. Hún segir líkama sinn alls konar. 

„Það sem þú sérð vs. hvað ég sé,“ skrifaði Lína Birgitta og hélt áfram að vara fólk við: 

„Það er svo mikilvægt að minna sig á að það sem maður sér á samfélagsmiðlum er yfirleitt einhliða. Hver og einn stjórnar því sem hann póstar og oftar en ekki pósta flestir myndum af sér upp á sitt besta. Sem dæmi er líkaminn minn ekki einhliða heldur er hann ALLS KONAR! Í dag vil ég deila með ykkur fleiri hliðum á líkamanum mínum, en þegar ég sit þá rúllast krúttlega upp á mallann minn ... og bara svo það sé á hreinu þá eru magarúllur 100% eðlilegar! Þegar maður situr þá rúllast sjálfkrafa upp á magann og það sérstaklega þegar maður er í þröngum buxum. 

Ef þú átt „shitty“ dag þegar það kemur að líkamanum þínum, reyndu þitt besta að þakka fyrir það sem hann gerir fyrir þig í stað þess að vera „obsessed“ á hvernig hann lítur út. Líkaminn okkar er nefnilega magnaður. Hann kemur okkur á milli staða, hann meltir matinn sem við borðum, hann gerir okkur kleift að knúsa þá sem við elskum og endalaust meira!

Ég vona að ykkur líði vel og að þið hafið það þokkalegt miðað við allt saman,“ skrifar Lína Birgitta. 

• Blogga um frétt