Gerðu þínar eigin sósur með jólamatnum

Hinrik Örn Lárusson og Viktor Örn Andrésson í Sælkerabúðinni útbjuggu girnilega forrétti þar sem þeir notuðu fisk frá Norðanfiski. Hér eru tvær uppskriftir að forréttum sem er auðvelt að útbúa en eru jafnframt mjög bragðgóðir. Annars vegar heitreyktur lax með piparrótarsósu og grafinn lax með heimagerðri graflaxsósu. 

Heitreyktur lax með piparrótarsósu

Þú tekur heitreyktan lax frá Norðanfiski og skerð niður og setur á disk. Til að toppa þennan rétt er mjög gott að hafa heimagerða piparrótarsósu með. Best er að útbúa hana daginn áður.

Piparrótarsósa 

200 g súrmjólk

250 g majónes

30 g piparrót

60 g hunang

15 g salt

Aðferð Öllu hráefni er blandað saman í skál og best er að leyfa sósunni að taka sig inni í ísskáp yfir nótt.

Grafinn lax með graflaxsósu

Hjá sumum koma ekki jól nema fólk fái grafinn lax í forrétt. Til þess að gera graflaxinn að hátíðarmat skaltu útbúa þína eigin graflaxsósu. Hér er uppskrift sem er einföld og ferlega bragðgóð.

Graflaxsósa

100 g sætt sinnep

100 g sinnep

100 g púðursykur

100 g repjuolía

150 g majónes

30 g þurrkað dill

skvetta af koníaki (má sleppa)

Aðferð Sinnep og púðursykur sett í hrærivélarskál, olíu hellt rólega saman við. Majónesi og dilli blandað út í.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »