Við veitum viðurkenningu athygli á tólfta degi áskoruninnar. Já, viðurkenning er áskorun dagsins; að sýna fólki viðurkenningu, láta umhverfið finna að við viðurkennum það, veitum því athygli.
„Viðurkenning þarf ekki að vera í orðum, það er nóg að hún sé í vitund. Því hvet ég ykkur til að sýna ykkar nánustu og þeim sem veita ykkur þjónustu ásamt starfsumhverfi ykkar að þið séuð að hlusta og fylgjast með – blessa það,“ segir Guðni Gunnarsson eigandi Rope Yoga-setursins.
Hér er tækifærið til að hlúa að ykkar nánustu, sýna mildi og sýna öðru fólki hvað ykkur þykir vænt um það, í stað viðnáms. Sýnið vinsemd, kærleika og nærgætni í umhverfi ykkar.
„Orðið viðurkenning er svolítið afstætt og í dag hvet ég ykkur að veita því athygli og njóta. Þú ert það sem þú gefur. Vertu ljómandi,“ segir Guðni.
Fyrir alla sem taka þátt í áskoruninni býðst opinn hópur Rope Yoga-setursins á Facebook, einnig eru æfingar öllum til handa á heimasíðu Rope Yoga-setursins.