Matardrottning Íslands, Nanna Rögnvaldardóttir, hætti að borða sykur fyrir nokkrum árum.
„Það gerðist þannig að ég var komin með byrjunareinkenni sykursýki og ég ákvað að athuga hvort ég gæti snúið við blaðinu. Nema í formi ávaxta. Þetta gekk mjög vel og gengur ennþá en ég er reyndar komin með sykursýki núna,“ segir Nanna.
Borðaðirðu mikið af sælgæti?
„Þetta var uppsafnaður vandi. Var búin að borða mikið af sætum mat og kökum. Ég hef aldrei drukkið mikið af gosdrykkjum en ég drakk ávaxtasafa.“
Nanna segir að það sé vel hægt að venja sig af því að borða sykur og bragðlaukarnir breytist þegar fólk minnki sykurneyslu. Frá þessu sagði hún í nýjasta þætti af Heimilislífi: