Bandaríska leikkonan Tara Reid fékk á dögunum holskeflu af athugasemdum um holdafar sitt frá aðdáendum. Leikkonan birti af sér myndir á Instagram þar sem hún stillti sér upp á sundfötum og virðist hún hafa grennst allsvakalega. Page Six greindi fyrst frá. 

Áhyggjufullir aðdáendur létu skoðanir sínar um líkamsvöxt hennar í ljós og óttuðust það að hún væri að glíma við lystarstol. „Allt of mjó. Ég vona samt að það sé í lagi með þig,“ ritaði einn aðdáandi. „Hvað í fjandanum kom fyrir þig?“ skrifaði annar. „Borðaðu hamborgara. Þú verður að elska sjálfa þig meira. Þetta er ekki heilbrigt.“ Eru þetta aðeins lítil dæmi um athugasemdirnar sem skrifaðar voru við myndirnar. 

Gagnrýnin kom Reid á óvart og ákvað hún að svara þessum röddum. 

„Hér er önnur mynd frá því í gær til þess að sýna ykkur að ég er ekki of mjó. Ég er bara með mjög hröð líkamleg efnaskipti. Allir sem eru með hröð efnaskipti skilja að það er rosalega erfitt að þyngjast. Það eina sem ég geri er að borða,“ útskýrði leikkonan. Þá lét hún nokkur áhrifarík myllumerki fylgja færslunni sem fólu í sér ýmis skilaboð um náungakærleik.

Tengdar fréttir

Heilsurækt

Þetta vilja töffarar landsins fá í sumargjöf

• Tók á því í leðurbuxum
• „Tárin hættu bara ekki að streyma“
• Margir draga úr félagslegri virkni vegna grindarbotnseinkenna
• „Mér finnst ég aðeins tengdari guði og jörðinni“

» Fleiri tengdar fréttir

• Blogga um frétt