Amal Clooney er 43 ára mannréttindalögfræðingur og lifir annasömu lífi með eiginmanni sínum George Clooney og tvíburum þeirra. Hún þarf því að huga að hollustunni til þess að viðhalda orkunni. Blaðamaður Hello Magazine fór á stúfana og safnaði saman öllum upplýsingum um hvað hún innbyrðir yfir daginn. 

Í heild má segja að Clooney aðhyllist miðjarðarhafsmataræði þar sem fiskur gegnir stóru hlutverki.

Clooney byrjar oftast daginn á heilsusamlegri þarasúpu ásamt soðnu eggi. Í hádeginu er oft blanda af pasta og prótíni. Til dæmis er oft á boðstólum salat, spagettí með kalkúnabollum eða þá kjúklingabringa með sítrónusósu.

Þá eru hjónin með einkakokk sem sér um að elda fyrir fjölskylduna fjölbreytta rétti. Það er pítsukvöld einu sinni í viku en oft eru líbanskir, indverskir og ítalskir réttir áberandi á matseðli fjölskyldunnar.

„Vivi eldar nánast á hverju kvöldi fyrir okkur þar sem við höfum tvíburana til að annast. Það er ekki jafn auðvelt að fara út að borða og áður. Svo vilja allir vinir okkar heldur borða matinn hennar Vivi en að fara á einhvern veitingastað.

En í alvöru, við Amal erum svo slæmir kokkar að hver kennslustund í eldhúsinu væri eins og að reyna að kenna hval að fljúga,“ sagði George Clooney um matreiðsluhæfileika þeirra hjóna.

Amal og George Clooney. mbl.is/AFP

Tengdar fréttir

Heilsurækt

Þetta vilja töffarar landsins fá í sumargjöf

• Tók á því í leðurbuxum
• „Tárin hættu bara ekki að streyma“
• Margir draga úr félagslegri virkni vegna grindarbotnseinkenna
• „Mér finnst ég aðeins tengdari guði og jörðinni“

» Fleiri tengdar fréttir

• Blogga um frétt