Kvikmyndagerðarkonan Helga Rakel Rafnsdóttir greindist með MND sjúkdóminn fyrr á þessu ári. Sami sjúkdómur dró föður hennar, Rafn Ragnar Jónsson tónlistarmann, til dauða en hann féll frá árið 2004 þá 49 ára gamall. Helga Rakel ræðir sín mál við Sigurlaugu Margréti Jónasdóttur í þættinum, Okkar á milli, sem sýndur verður á RÚV í kvöld kl. 20.00. Þátturinn hefur hingað til verið á dagskrá Rás 1 en færist nú yfir í sjónvarp. 

„Ég fór að stúdera svolítið hvað þetta gerðist hratt hjá honum, og fann að þetta væri að gerast aðeins hraðar svo ég áttaði mig á því að þetta væri í raun síðasta sumarið mitt á fótum,“ segir hún í þættinum, Okkar á milli. Hún segir frá því í viðtalinu að hún hafi gert allskonar hluti í sumar sem hún hefði annars ekki gert.

„Það fór að renna upp fyrir mér þegar leið á sumarið. Og þá kýldi ég á alls konar hluti sem mig hefur lengi langað að gera. Ég setti svolítið í þann gír og svo kom ég hingað í bæinn í lok sumars og þá kom svolítið sjokk.“

Hún var 13 ára þegar faðir hennar veiktist en hann lifði með MND í 17 ár. 

„Við systkinin erum alin upp við það að við vitum það að við getum fengið þennan sjúkdóm. Þannig að ég hef alltaf lifað með honum í rauninni. Við fengum smá frí, pabbi lést 2004, síðan þá eru sautján ár og nú er hann mættur aftur,“ segir hún.

Hér er Rafn Jónsson faðir Helgu Rakelar árið 2000 með hljómsveitinni Grafík. Með honum á myndinni eru Rúnar, Helgi og Andrea Gylfa. mbl.is/Jón Svavarsson

Tengdar fréttir

Áhugavert fólk

„Allt breyttist þegar ég hitti manninn minn“

• „Óhappið varð til þess að ég ákvað að endurhugsa hlutina“
• „Tárin hættu bara ekki að streyma“
• Guðlaug stefnir á Ólympíuleikana og æfir þrisvar á dag
• Ívar greindist með sykursýki og borðar hráan mat í heilan mánuð

» Fleiri tengdar fréttir

• Blogga um frétt