„Ég upplifi sársauka, ógleði, uppþembu og krampa“

Fyrirsætan Hailey Bieber.
Fyrirsætan Hailey Bieber. AFP

Fyrirsætan Hailey Bieber deildi nýverið sársaukafullri reynslu sinni með fylgjendum sínum á Instagram, en hún er með blöðrur á eggjastokkunum „á stærð við epli“ sem valda henni miklum óþægindum. 

Á myndinni sýndi Hailey mynd af maga sínum sem var útþanin, en hún útskýrði fyrir fylgjendum sínum að hún væri ekki ófrísk. 

„Ég er með blöðru á eggjastokknum á stærð við epli. Ég er hvorki með endómetríósu né fjölblöðru-eggjastokkaheilkenni (e. PCOS), en ég hef fengið blöðru á eggjastokkinn nokkrum sinnum og það er aldrei gaman,“ skrifaði fyrirsætan við myndina. „Þetta er sársaukafullt og aumt, en ég upplifi ógleði, uppþembu, krampa og miklar tilfinningar.“

Hailey deildi reynslu sinni á Instagram-reikningi sínum.
Hailey deildi reynslu sinni á Instagram-reikningi sínum. Skjáskot/Instagram

Talar opinskátt um heilsuna

Hailey hefur talað opinskátt um heilsu sína síðustu ár, en í apríl greindi hún frá því að hún hefði fengið heilablóðfall sem leiddi til þess að hjartasjúkdómur sem hún er með uppgötvaðist, en í ljós kom að lítill blóðtappi var við heila hennar sem olli því að súrefnisflæðið minnkaði. 

Eftir að hafa gengist undir aðgerð til að loka gati á hjarta hennar sagðist Hailey vera á batavegi í apríl. Fyrirsætan vonar að með því að deila reynslu sinni hjálpi hún öðrum. „Ég veit að mörg ykkar geta tengt og skilið mig,“ bætti hún við. 

mbl.is

Spurt og svarað

húðlæknir á Húðlæknastöðinni svarar spurningum lesenda

lýtalæknir svarar spurningum lesenda

ráðgjafi hjá Fyrsta skrefinu svarar spurningum lesenda.

félags- og fjölskylduráðgjafi svarar spurningum lesenda

Klínískur félagsráðgjafi hjá Lausninni

svarar spurningum lesenda