Ashley Park, sem leikur vinkonuna Mindy í vinsælu netflix-þáttunum Emily in Paris, barðist við hvítblæði á yngri árum.

„Ég greindist með hvítblæði þegar ég var 15 ára. Ég bjó á spítala í átta mánuði og fór í gegnum sex hræðilegar lotur af lyfjameðferð,“ segir Park í viðtali við The Times en hún er nú í bata.

Góðgerðarsamtökin Make a Wish létu draum hennar rætast og sendu hana og fjölskyldu hennar í helgarferð til New York þar sem þau sáu söngleik á Broadway. „Þarna vissi ég að ég vildi verða leikari.

Um leið og krabbameinið var farið úr líkamanum lagði ég mikla áherslu á að það fengi ekki að skilgreina hver ég væri, því þá væri það enn að sigra. Ég varð enn ákveðnari í að ná árangri og leita lausna við hvers kyns vandamálum,“ segir Park sem hefur notið mikillar velgengni á Broadway og á hvíta tjaldinu.

Lily Collins og Ashley Park leika saman í Emily in Paris. AFP

Tengdar fréttir

Heilsa og mataræði

Þetta gerist þegar maður hættir að stunda kynlíf

• Gott að borða á 24 tíma fresti
• Öðlaðist heilsu með breyttum lífsstíl
• 9 leiðir til þess að vakna hress
• Bestu og verstu kúrarnir fyrir heilsuna

» Fleiri tengdar fréttir

• Blogga um frétt