Hin 66 ára gamla líkamsræktardrottning Denise Austin er í fantaformi og lítur út fyrir að sofa í formalíni. Hún deildi skemmtilegri mynd af sér í bleikum sundbol sem hún klæddist fyrir 30 árum við tökur á sjónvarpsþætti sínum Getting Fit with Denise Austin.

„Þvílíkt ótrúleg minning að horfa til baka á. Þessi þá-og-nú-mynd vekur mikla fortíðarþrá ... ég klæddist þessum sundbol á tíunda áratugnum þegar ég tók upp sjónvarpsþáttinn minn!! Hversu mörg ykkar muna eftir að hafa horft á???“ skrifaði Austin við myndina á Instagram.

„Ég er enn jafn sjálfsörugg og í betra formi en nokkru sinni fyrr og ég elska að eiga þennan sundbol til að minna mig á hversu langt ég hef náð,“ bætti hún við.

Vill engar öfgar

Á ferli sínum hefur Austin haldið ýmis námskeið, framleitt líkamsræktarþætti og æfingamyndbönd ásamt því að skrifa bækur og pistla um það að halda sér í góðu formi. 

Austin hugsar vel um heilsuna, en hún leggur áherslu á að halda sér í góðu líkamlegu formi án allra öfga. Hún æfir í um 30 mínútur á dag og sleppir aldrei úr máltíðum. Hún kýs að nota sykur og smjör í stað gervisætuefna og smjörlíkis, en Austin leggur mikla áherslu á gott jafnvægi í mataræði og hreyfingu.

Tengdar fréttir

Heilsurækt

Þetta vilja töffarar landsins fá í sumargjöf

• Tók á því í leðurbuxum
• „Tárin hættu bara ekki að streyma“
• Margir draga úr félagslegri virkni vegna grindarbotnseinkenna
• „Mér finnst ég aðeins tengdari guði og jörðinni“

» Fleiri tengdar fréttir

• Blogga um frétt