Tónlistarmaðurinn og upptökustjórinn, DJ Khaled, hefur grennst töluvert á undanförnum vikum en hann viðurkenndi í viðtali við tímaritið Us Weekly á dögunum að vera orðinn tíu kílóum léttari. Hinn 47 ára gamli tónlistarmaður var að kynna samstarf sitt við bandaríska golfmótið Ryder Cup þegar hann sagðist vera kominn niður í 119 kíló þökk sé golfi.

DJ Khaled játaði að golf væri lykillinn að þyngdartapinu og hans leið til að viðhalda heilsunni. „Ég vakna á morgnana, bið bænirnar mínar og kyssi börnin mín og eiginkonu,“ sagði hann. „Eftir léttan morgunverð þá klæði ég mig í réttu fötin og fer á völlinn.“

Tónlistarmaðurinn spilar golf daglega og segir það hafa gefið sér nýja sýn á lífið og einnig skapað dýrmæt fjölskyldutengsl, en synir hans, 6 og 3 ára, elska íþróttina einnig. „Þegar þeir eru ekki í skólanum þá vilja þeir eyða tímanum með pabba gamla í golfi. Það er yndislegt að spila golf með strákunum mínum,“ sagði DJ Khaled. 

Tengdar fréttir

Heilsurækt

„Ekki taka þig í gegn í janúar“

• Pylsa og kók á hlaupum gerir ekkert fyrir þig
• „Ég elska að byrja daginn á próteinríkum morgunmat“
• „Við borðuðum roð, gerðum beinasoð og borðuðum skinnið“
• „Það er bara þannig að prótein brennir fitu“

» Fleiri tengdar fréttir

Instagram

Fagnaði stórafmæli móður sinnar á lúxushóteli í sveitinni

• Arnar Dan fór að vinna á leikskóla til að koma barninu að
• Oprah Winfrey sökuð um Ozempic-notkun
• Birgitta Líf gerir vel við sig í New York
• Krista Ketó fékk snemmbúna jólagjöf

» Fleiri tengdar fréttir

• Blogga um frétt