Þórdís Kjartansdóttir, lýtalæknir á Dea Medica, segir að lýtaaðgerðir séu mun minna feimnismál nú orðið. Hún ræddi um þetta og margt fleira í Dagmálum Morgunblaðsins á dögunum.

Hvers vegna eru lýtaaðgerðir minna tabú í dag?

„Kannski er fólk almennt opnara með þetta. Mér finnst algengt að fólk segi, sem kemur í augnlokaaðgerð, að það þurfi ekkert að fela það,“ segir Þórdís. 

„Mér finnst mjög gaman að skera upp“

Var það einu sinni feimnismál?

„Já, en núna finnst mér það ekki vera þannig. Það eru allir að fara í þetta og þetta er í ættinni. Fólk er jafnvel mætt í vinnu, þótt það sé í þjónustustörfum, með smá sólgleraugu og með fullt af plástrum í andlitinu. Þetta er minna feimnismál. Fólk kemur í bótox og fylliefni og fer beint í vinnuna eða á fund. Það þarf ekki mikið að fela það,“ segir hún. 

Tengdar fréttir

Spurðu lýtalækninn

Geta karlar farið í svuntuaðgerð?

• Er fólk einhvern tímann of gamalt fyrir svuntuaðgerðir?
• Hvað þarf fólk að vera þungt ef það ætlar í aðgerð?
• „Fólk getur helst ekki farið oftar en tvisvar í andlitslyftingu“
• Íslenskar konur mun sjálfstæðari en franskar

» Fleiri tengdar fréttir

• Blogga um frétt