„Við finnum mikinn áhuga á íslenskum hráefnum“

Katrín Amni Friðriksdóttir, framkvæmdastjóri og eigandi Iceherbs og Protis, er stödd í Barcelona þar sem hún kynnir íslensk vítamín á Vitafoods Europe sem er ein stærsta fæðubóta-og náttúruvörusýning heims í dag. Í fréttatilkynningu frá fyrirtækinu kemur fram að þetta sé stórt skref fyrir fyrirtækið. 

Iceherbs byggir á íslenskum jurtum og náttúrulegum innihaldsefnum, en Protis er ný, hrein vítamín- og kollagenlína sem leggur áherslu á gæði og virkni.

Allt kollagenið í Protis-vörunum kemur frá Nordwell, íslenskum framleiðanda sem einnig er á sýningunni að kynna hágæða kollagen unnið í hátækniverksmiðju á Íslandi.

„Það er virkilega jákvætt að fleiri íslensk fyrirtæki séu farin að vinna saman á erlendum vettvangi,“ segir Katrín Amni og bætir við:

„Við finnum mikinn áhuga á íslenskum hráefnum og vörumerkjum sem leggja áherslu á gæði, gagnsæi og uppruna.“

• Blogga um frétt