Hópurinn Tákn og teikn mun halda samsýningu á Mokka-Kaffi í tilefni af HönnunarMars. Hópinn skipa átta myndlistar- og hönnunarmenntaðar konur á breiðu aldursbili. Það eru þær Kristín Þorkelsdóttir, Friðrika Geirsdóttir, Edda V. Sigurðardóttir, Soffía Árnadóttir, Kristín Edda Gylfadóttir, Elsa Nielsen, Helga Gerður Gísladóttir og Sigríður Rún.

„Hugmyndin að hópnum var að skapa vettvang til að hittast, deila hugmyndum og halda sýningar og hefur undirbúningur sýningarinnar staðið yfir síðan í haust en þá var hópurinn stofnaður. Aldursbil félaga er breitt sem og reynsla þeirra en það gerir samstarfið þeim mun meira gefandi og áhugavert. Stóra sameiginlega áhugamálið er hönnun og list og það er hvetjandi að gefa sér tíma, í amstri dagsins, til að hittast, finna ögrandi markmið og ekki síst til að skapa sín eigin tækifæri. Það er ómetanlegt að hitta „kollega“ á þessum skemmtilegu og faglegu forsendum,“ segir Sigríður Rún.

„Þemað á sýningunni á Mokka á HönnunarMars er „leturverk“ í sinni víðustu túlkunarmynd,“ útskýrir Sigríður Rún. Hún segir verk sýningarinnar vera ólík og sýna vel um hversu fjölbreyttan hóp er að ræða. „Leturverk er fyrsta sýning hópsins en við vonumst til þess að samstarfið leiði af sér fleiri frjó samstarfsverkefni eftir því sem við kynnumst betur og hópurinn eflist.“

Sigríður Rún mun sýna verk á Mokka-kaffi ásamt sjö öðrum.

Tengdar fréttir

HönnunarMars

HönnunarMars verður í apríl á næsta ári

• Mosha frá Vogue í íslensku tískuteiti
• Fangaði útlit og hegðunarmynstur á einstakan hátt
• Glasagarðar til sýnis í fyrsta sinn á Íslandi
• 75 ára og ætlar aldrei að setjast í helgan stein

» Fleiri tengdar fréttir

HönnunarMars

Ýrúrarí setti augu á ósöluhæfar peysur

• Fyrsta alvöru tískusýningin í Hafnarhúsinu í langan tíma
• Helgi Björns kíkti á Helgu Björns
• Allir í essinu sínu á þakbar Edition
• Fjörið og fiðringur í Epal

» Fleiri tengdar fréttir

• Blogga um frétt