Nostrað við hvern fermetra í miðbænum

Horft úr eldhúsinu inn í stofu. Loftljósið er sérpantað frá …
Horft úr eldhúsinu inn í stofu. Loftljósið er sérpantað frá Lumex. Borðið og glerskápurinn koma úr Heimili og Hugmyndir. mbl.is/Árni Sæberg

Innanhússarkitektinn Hanna Stína býr á vandaðri og huggulegri hæð í hjarta gömlu Reykjavíkur ásamt kærasta sínum og einkadóttur. Hún hefur hannað mörg af glæsilegustu heimilum og fyrirtækjum landsins. Það sem er heillandi við hennar stíl er að það er aldrei langt í íburðinn og hún fer alltaf svolítið lengra en aðrir myndu þora að fara án þess þó að útkoman verði of mikið. 

Hanna Stína ákvað að fara alla leið í „skipstjóravillustílnum“ þegar hún hannaði sitt eigið heimili. Nostalgía fyrri ára svífur yfir vötnum á heimilinu í bland við nýtískulega hluti. Fallegir bronsspeglar með antík-áferð eru áberandi í íbúðinni. Bæði notar hún spegilinn utan um viftuna í eldhúsinu og svo lét hún búa til spegil úr þessum efnivið sem prýðir stofuna.

Á gólfum eru ljósir, reyktir eikarplankar sem eru falleg andstæða við veggina sem eru ýmist grábrúnir eða veggfóðraðir.

Sem innanhússarkitekt finnst Hönnu Stínu mikilvægt að nota fjölbreyttan efnivið og festast ekki í því að nota alltaf sömu flísarnar og sama parketið.

„Það er ekki hægt að segja að einhver ein eða tvær tegundir af parketi eða stein sé flottust því það eru til milljón tegundir af fallegum efnivið þarna úti og ég reyni að nota alltaf nýtt efni í hvert skipti. Þetta á bæði við þegar ég hanna fyrir sjálfa mig og viðskiptavini mína. Þótt ég reyni að gera eitthvað nýtt í hvert skipti sem ég tek að mér nýtt verkefni passa ég

að halda mig innan míns ramma. Ég heyri það oftar en ekki að fólk þekki verkin mín án þess að ég hafi verið nefnd á nafn og ég vil alls ekki að það breytist,“ segir hún.

Það sem heillaði Hönnu Stínu við þessa íbúð voru gips-listarnir í loftunum, stóru gluggarnir og auðvitað skipulag íbúðarinnar og hversu auðvelt var að breyta henni til hins betra. Í íbúðinni er hátt til lofts þannig að fallegu ljósin hennar fá að njóta sín. Húsið var byggt 1929 og var líklega ein íbúð þegar það var byggt en í dag eru þrjár íbúðir í húsinu.

„Ég fann eldgamla auglýsingu úr Vísi frá 1930 frá manni sem hét August Håkansson sem bjó hér í þessu húsi og auglýsti sig sem húsaskreytara og gerði húsgögn og fleira, það fannst mér skemmtileg tilviljun. Líklega var hann einn af fyrstu innanhússhönnuðum þess tíma,“ segir hún og hlær

Hanna Stína skipti um eldhús og gólfefni á íbúðinni. Eldhúsið er aðalstaðurinn í íbúðinni með risastóru borði í miðjunni. Eldhúsinnréttingin er grá sprautulökkuð og ofan á er Fior di Bosco-marmari frá Fígaró. Á veggjunum eru flísar frá Agli Árnasyni sem skapa einstaka stemningu á móti viftunni sem er klædd með antík-spegli úr Glerborg. Liturinn á veggjunum í stofunni og eldhúsinu skapar notalega stemningu og hjúfrar sig að heimilisfólkinu. „Ég er sérstaklega ánægð með þennan lit, hann er alls ekki of ljós og alls ekki of dökkur,“ segir hún. Það sem er býr til skemmtilega stemningu á ganginum er að Hanna Stína lét lakka panelinn á ganginum í dökkbláum lit. „Panellinn var hvíttaður og úr furu. Hann breytti algerlega um karakter eftir að hann var stíflakkaður dökkblár. Ég vildi hafa ganginn dökkan en svart var of mikið þannig að þessi fallegi bláberjalitur varð fyrir valinu.“

Hún lét einnig mála loftið í sama matta dökkbláa litnum og á milli er veggfóðrað með Cole and Son Hexagon-veggfóðri.

Þegar Hanna Stína er spurð að því hvort það vanti eitthvað í íbúðina nefnir hún fataherbergi. Hún safnar nefnilega ekki bara fallegum hlutum heldur er fataskápur hennar eins og hjá alvöru glamúr-drottningu.

„Það sem mig myndi langa að bæta við íbúðina er fataherbergi og stærra anddyri en svo vinnur maður bara með það sem maður hefur hverju sinni. Í næsta húsi sem ég geri fyrir sjálfa mig fer ég í nútímalegri stíl. Mig langar í alveg dökk viðargólf og ljósari veggi, eldhúsinnréttingin verður stílhreinni og húsgögnin í einfaldari línum,“ segir hún enda alltaf komin nokkrum skrefum á undan sjálfri sér og samtímanum.

Stofan er heillandi. Hún er máluð í hlýjum gráum tón. …
Stofan er heillandi. Hún er máluð í hlýjum gráum tón. Sófinn og borðið eru úr Heimili og Hugmyndir. Bekkurinn og græni stóllinn eru frá Alter London og ljósið er frá Tom Dixon og fæst í Lumex. mbl.is/Árni Sæberg
Hanna Stína leggur mikið upp úr fallegum rúmgöflum. Þessi kemur …
Hanna Stína leggur mikið upp úr fallegum rúmgöflum. Þessi kemur frá Alter London og er speglaborðið sérsmíðað í Glerborg. Það er úr reyklituðum spegli. mbl.is/Árni Sæberg
Herbergi dótturinnar er fallegt með veggfóðri frá Cole and Son …
Herbergi dótturinnar er fallegt með veggfóðri frá Cole and Son sem sérpantað var hjá Bólstraranum á Langholtsvegi. mbl.is/Árni Sæberg
Teppið á gólfinu er úr Stepp. Inni í hjónaherbergi eru …
Teppið á gólfinu er úr Stepp. Inni í hjónaherbergi eru opnir fataskápar sem koma vel út enda á Hanna Stína mikið af fallegum fötum. mbl.is/Árni Sæberg
Hanna Stína lét sérsmíða spegilinn í Glerborg. Borðið er úr …
Hanna Stína lét sérsmíða spegilinn í Glerborg. Borðið er úr Heimili og Hugmyndir. mbl.is/Árni Sæberg
Hanna Stína lét lakka panelinn á ganginum með dökkbláu lakki. …
Hanna Stína lét lakka panelinn á ganginum með dökkbláu lakki. Fyrir ofan er veggfóður frá Cole and Son. mbl.is/Árni Sæberg
Flísarnar í eldhúsinu eru úr Agli Árnasyni. Marmarinn kemur frá …
Flísarnar í eldhúsinu eru úr Agli Árnasyni. Marmarinn kemur frá Fígaró. mbl.is/Árni Sæberg
Gyllti diskurinn er úr Heimili og Hugmyndir.
Gyllti diskurinn er úr Heimili og Hugmyndir. mbl.is/Árni Sæberg
Höldurnar eru úr Brynju á Laugavegi.
Höldurnar eru úr Brynju á Laugavegi. mbl.is/Árni Sæberg
Eldhúsið er mjög vel heppnað.
Eldhúsið er mjög vel heppnað. mbl.is/Árni Sæberg
Viftunni er pakkað í antík spegil frá Glerborg. Það setur …
Viftunni er pakkað í antík spegil frá Glerborg. Það setur mikinn svip á eldhúsið. mbl.is/Árni Sæberg
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál