Setur sitt „fingrafar“á öll verkin

Innanhússhönnuðurinn Sæbjörg Guðjónsdóttir.
Innanhússhönnuðurinn Sæbjörg Guðjónsdóttir. Morgunblaðið/ Golli

Innanhússhönnuðurinn Sæbjörg Guðjónsdóttir hefur unnið að mörgum spennandi verkefnum undanfarið, bæði fyrir einstaklinga og fyrirtæki. Til að mynda sá hún um hönnun og endurbætur fyrir allar verslanir Fríhafnarinnar og eins var innanhússhönnun á nýju húsnæði fasteignasölunnar Stakfelli í hennar höndum. Þó verkefnin sem Sæbjörg, eða Sæja eins og hún er gjarnan kölluð, tekur að sér séu ólík tekst henni alltaf að setja sitt „fingrafar“ á þau. 

Sæbjörg segir mikinn mun á að vinna fyrir fyrirtæki og einstaklinga. „Þetta er frekar ólíkt þar sem annað er heimili og hitt almenningsrými þar sem mikill og fjölbreyttur fjöldi fólks fer í gegn. Það er oft hægt að vera aðeins „djarfari“ þegar hannað er fyrir almenningsrými eins og flugstöð en það þarf þó að hugsa um margt eins og verslunarhegðun fólks, flóttaleiðir, endingu á efnum og ekki síst heildarupplifunina. Það eru margir sem koma að svona verkefni og margt sem spilar saman til að allt gangi upp. Ég er mjög glöð að hafa fengið tækifæri að vinna fyrir Fríhöfnina og þykir alltaf vænt um verkefnið þar sem það var eitt af mínum fyrstu stóru verkefnum sem ég gerði sjálf.“

Sæbjörg segir innblásturinn koma alls staðar frá. „Ég leita oft í gamla tíma og fæ hugmyndir þannig, list hreyfir líka mikið við mér og þá sérstaklega innsetningar. Maður kemst ekki hjá því að skoða blöð, Instagram og Pinterest en ég reyni að taka því ekki of bókstaflega og fæ frekar innblástur af til dæmis formum og mynstrum sem ég sé eða tilfinningunni af einhverju rými á mynd frekar en að endurgera það sem ég sé, enda væri ég ekki að hanna neitt ef ég gerði það. Ég reyni alltaf að skapa eitthvað nýtt og fara nýjar leiðir.“

Einn kúnninn fékk hana til að hanna brúðkaupið sitt

Verkefnin sem Sæja tekur að sér eru fjölbreytt en yfirleitt snýst vinnan um að fá einhverja heildarmynd á rými. „Hér áður var þetta meira baðherbergi og eldhús sem fólk vildi fá aðstoð við en innanhússhönnuðir gera svo mikið meira eins og að endurskipuleggja rými, vinna með húsgögn, efnis- og litaval ásamt lýsingu og fleira, fólk er orðið meðvitaðra um það. Allt þarf þetta að spila saman svo útkoman sé sem best. Sumir kúnnar vilja ekki bara aðstoð innandyra og fá mig með sér í ólíklegustu verkefni eins og að hanna garðana og sjá um litaval utanhúss. Einn kúnni sem ég hef unnið mikið fyrir fékk mig til að hanna brúðkaupið sitt, það var stuð,“ útskýrir Sæja.

Aðspurð hvað einkenni stíl hennar kveðst Sæja vera með hlýlegan stíl. „Ég var einmitt að ræða þetta við vin minn um daginn sem ég leita oft til þegar ég er að vinna verkefni, en hann er einnig hönnuður og starfar í London. Ég myndi segja að minn stíll sé frekar hlýlegur og nútímalegur stíll í bland við skírskotanir frá 20. öldinni. Eins og áður sagði þykir mér gaman að leita í gamla tíma og vinna með á nýjan hátt. Einnig þykir mér mikilvægt að reyna að nota ljósmyndir og listaverk í bland því þau gera heimilin persónulegri. Stíllinn er þó breytilegur og ég er alltaf að þróast, en ég held þú sjáir alltaf mitt „fingrafar“ á verkefnunum mínum.“

Sæja er með mörg verkefni á dagskrá þessa stundina. „Núna er ég til dæmis að vinna að breytingum á Bed & Breakfast Keflavik Airport þar sem 8. og 9. áratugurinn fær að skína í gegn eftir breytingar ásamt mörgu öðru. Mig langaði til þess að búa til hótel sem er ólíkt þeim sem fyrir eru og hugsunin er að þú bæði byrjir og endir ferðalagið þitt á skemmtilegan og minnisstæðan hátt þar sem bæði Íslendingar og erlendir ferðamenn nýta sér hótelið og það sem það hefur upp á að bjóða,“ segir hún.

Rennt yfir nokkur verk

*„Ég kom að hönnun allra verslana Fríhafnarinnar ásamt starfsmannarými,“ segir Sæbjörg. Í uppáhaldi hjá henni er þá Schengen-verslun Fríhafnarinnar. „Hún átti að vera svolítið öðruvísi en hinar verslanirnar og Fríhöfnin vildi fá íslenskt þema. Verslunin er ljós og létt og það ríkir kyrrð yfir henni sem var eitt af markmiðunum, að róa flugfarþega þar sem stutt er í „gate“.

*Sæbjörg sá um innanhússhönnun í fasteignasölunni Stakfelli. Hún kveðst hafa lagt mesta áherslu á að gera stofuna hlýlega. „Enda fólk oft að gera stærstu kaup lífs síns þarna inni og umhverfið þarf því að vera þægilegt. Glerveggir voru notaðir til að gera rýmið opið og á móti var ákveðið að mála veggi í hlýjum gráum tón, sprauta allar hurðir dökkgráar og steypt gólfið var pússað og lakkað,“ útskýrir Sæja sem notaði svo meðal annars plöntur og fallega potta til að fá lit inn í rýmið.

*Sæbjörg sá um að taka Tannlæknastofu Þorsteins og Jóns á Selfossi í gegn, útkoman er glæsileg. „Þetta er rótgróin stofa og það þurfti að bæta við einum stól, færa sótthreinsun, nýjar innréttingar og fleira. Gangurinn var ekki stór og lítið var um birtu. Því ákvað ég að gera heldur stórt skilrúm á nýju stofuna til að rýmið virki opnara og bjartara í stað þess að setja vegg. Eins var ákveðið að setja glerhurðir í stað þeirra sem fyrir voru til að opna rýmið betur og svo var flikkað upp á biðstofuna.“

Bæsaðar OBS-plötur í afgreiðslunni.
Bæsaðar OBS-plötur í afgreiðslunni. Golli / Kjartan Þorbjörnsson
Sæja sá um innanhúshönnun í húsnæði fasteignasölunnar Stakfell.
Sæja sá um innanhúshönnun í húsnæði fasteignasölunnar Stakfell. Golli / Kjartan Þorbjörnsson
Sæju tókst vel til þegar hún hannaði allar versalnir Fríhafnarinnar. ...
Sæju tókst vel til þegar hún hannaði allar versalnir Fríhafnarinnar. Hún notaði meðal annars ösku úr Eyjafjallajökli í gólfstanda og í innganginn.
Bjart og fagurt í Fríhöfninni.
Bjart og fagurt í Fríhöfninni.
Eldhús úr smiðju Sæbjargar.
Eldhús úr smiðju Sæbjargar.
Einkaheimili sem Sæja tók í gegn.
Einkaheimili sem Sæja tók í gegn.
Sæbjörg notar hér
Sæbjörg notar hér "statement"-hluti til að gera stofuna einstaka.
Einkaheimili. Sæja notast mikið við plöntur og ljósmyndir til að ...
Einkaheimili. Sæja notast mikið við plöntur og ljósmyndir til að lífga upp á rýmin.
Sæja setur sitt „fingrafar“á öll verk sem hún tekur að ...
Sæja setur sitt „fingrafar“á öll verk sem hún tekur að sér.
Töffaralegt lúkk á tannlæknastofu á Selfossi.
Töffaralegt lúkk á tannlæknastofu á Selfossi.
Af tannlæknastofu Þorsteins og Jóns.
Af tannlæknastofu Þorsteins og Jóns.

Sprautaði barnaolíu í varirnar

15:00 Barbie-fyrirsætan Kerry Miles er ekki hætt að fara í fegrunaraðgerðir þrátt fyrir að barnaolíu var sprautað í varir hennar.   Meira »

Ert þú með einkenni vinnustress?

12:00 „Fólk gengur um með vinnusíma þar sem tölvupósturinn dettur inn allan daginn. Með tilkomu snjallsímanna getur „netrúntur“ í símanum hreinlega orðið að áráttu eða fíkn. Margir hafa tilhneigingu til að „athuga“ í sífellu hvort eitthvað hafi gerst og áður en þeir vita af er vinnupósturinn orðinn fastur liður í netrúntinum, líka þegar heim er komið.“ Meira »

Komdu í veg fyrir að þykkna um jólin

09:10 „Við könnumst flest við að borða aðeins of mikið yfir jólahátíðina. Þetta einfalda ráð sem ég ætla að deila með þér í dag gæti verið lausnin til að fyrirbyggja ofát og sleppa þannig við aukakílóin og slenið sem því fylgir,“ segir Júlía. Meira »

Forsetafrúrnar flottar í tauinu

06:00 Brigitte Macron og Melania Trump hittust um síðustu helgi í sínu fínasta pússi. Sú franska var töff að vanda en frú Trump í öllu hefðbundnari klæðnaði. Meira »

Hversu oft á að stunda kynlíf?

Í gær, 23:59 Er ég að stunda nógu mikið kynlíf? Þetta er spurning sem fólk veltir fyrir sér hvort sem það er hamingjusamt eða ekki.   Meira »

Simbi framfleytti sér með glæpum

Í gær, 21:00 Sigmundur Geir Helgason, Simbi, væri líklega ekki á lífi í dag ef hann hefði ekki komist í meðferð í Hlaðgerðarkoti fyrir tæpu einu og hálfu ári. Hann framfleytti sér með glæpum um árabil. Meira »

Fóru í hjónabandsráðgjöf

Í gær, 18:00 Michelle Obama segir að hún og Barack Obama vinni í sambandi sínu og það sé eðlilegt að vilja fara frá maka sínum.   Meira »

Sagan hennar Sunnu Elvíru

í gær Sunna Elvíra Þorkelsdóttir komst í fréttir í byrjun árs þegar hún féll á milli hæða á heimili sínu á Spáni 19. janúar. Hún lamaðist í slysinu og mun aldrei geta gengið aftur. Meira »

Gjörbreytti borðstofunni fyrir 40.000

í gær Inga Rut Pétursdóttir fékk alveg nýja borðstofu fyrir 40.000 krónur. Hún málaði í litnum Djúpur sem er litur úr litakorti Sæju hjá Slippfélaginu. Meira »

83 milljóna útsýnisíbúð í Garðabæ

í gær Við Löngulínu í Garðabæ stendur ákaflega falleg 138 fm íbúð á besta stað við sjóinn. Íbúðin er smekklega innréttuð.   Meira »

Komst yfir sjálfsvígshuganirnar

í gær Bill Lokey segir frá reynslu sinni þegar hann var við það að taka eigið líf. Hann segir að það sé hægt að komast yfir þá reynslu. Meira »

Vill líta út eins og lifandi kynlífsdúkka

í fyrradag Transkonan Ivana er búin að fara í 20 fegrunaraðgerðir til þess að líta út eins og lifandi kynlífsdúkka. Ivana sem er 26 ára er sögð hafa eytt um 87 þúsundum punda í aðgerðirnar eða rúmlega 13 milljónum íslenskra króna. Meira »

Einfaldar leiðir til að auka tekjurnar

í fyrradag „Margir eru í þeim sporum að geta ekki aukið tekjurnar á núverandi vinnustað. Þar geta legið ýmsar ástæður að baki. Ein gæti verið sú að fyrirtækið hefur ekki bolmagn til að greiða hærri laun en þú sættir þig við núverandi launakjör í von um að bráðum komi betri tíð,“ segir Edda. Meira »

Svona æfði Jenner fyrir sýningu Victoria's Secret

12.11. Ofurfyrirsætan Kendall Jenner segist hafa æft vel og passað mataræðið áður en hún steig á svið fyrir Victoria's Secret.   Meira »

Gilda íslensk hjúskaparlög erlendis?

12.11. Ég er með spurningu sem varðar riftun hjónabands sem stofnað er til í öðru landi. Getur einstaklingur sem stofnaði til hjúskapar í öðru landi rekið skilnaðarmál á Íslandi? Málsaðstæður eru þær að viðkomandi vill ljúka hjúskap en makinn í heimalandi ekki. Meira »

Ástarsorgin dró hana í Kópavog

12.11. Kamilla Einarsdóttir hefur skrifað sögur alla sína ævi en langaði ekki að gefa neitt út. Eftir að bókaútgáfa sýndi verkum hennar áhuga og bauðst til að gefa bók hennar út varð til bókin Kópavogskronika. Meira »

Sjö stig tilfinninga fólks í ástarsorg

12.11. Sorg er ekki það fyrsta sem einkennir tilfinningar fólks sem er nýhætt í sambandi. Afneitun og reiði kemur á undan.   Meira »

Afmælisstuð í hámarki hjá Spektra

11.11. Ráðgjafafyrirtækið Spektra ehf. hélt upp á 5 ára afmælið sitt á dögunum og af því tilefni bauð fyrirtækið í afmælispartí í húsakynnum sínum að Laugavegi 178. Meira »

Gerðu trúboðastellinguna betri

11.11. Trúboðastellingin þarf ekki að vera leiðinleg og ætti í rauninni að vera reglulega á matseðlinum en fólk ætti ef til vill að kunna að bragðbæta hana. Meira »

Ódýrir hlutir sem gjörbreyta baðherberginu

11.11. Þegar baðherbergið er fallegt er skemmtilegra að tannbursta sig og gera aðra hluti. Það þarf ekki að gera baðherbergið fokhelt og leggja marmara á það allt til þess að gera það fallegt. Meira »

Nýjasta tískan í naglalökkum

11.11. Í vetur er flott að vera með neglur sem eru svipaðar húðlit handanna. Neglur og varir eru þá ekki í sama lit. Þetta útlit minnir á sjöunda áratug síðustu aldar. Þegar hendurnar áttu að vera hreinlegar og fínar. Með þessu útliti ber meira á hringum og fylgihlutum. Meira »