Heimilissýningin Amazing Home Show opnar fyrir almenningi í Laugardalshöll á morgun en á henni má finna allt sem snýr að heimilinu. Arnar Gauti Sverrisson, listrænn stjórnandi Húsgagnahallarinnar, verður á básnum um helgina, sem er 80 fm og hannaður af fyrirtækinu Dialma Brown.

„Við erum búin að vera voða spennt og ákváðum eins og fleiri sýnendur að leggja helling af metnaði í þetta og sjáum svo sannarlega ekki eftir því. Eins og flestir vita er sjón sögu ríkari og ég hvet alla til að kíkja á sýninguna á morgun og sunnudag. Ég tek að sjálfsögðu vel á móti öllum hérna í sófanum,“ segir Arnar Gauti.