Ef þig hefur einhvern tímann dreymt um að setjast að á einkaeyju en ert ekki syndandi í seðlum erum við með frábærar fréttir fyrir þig.
„Fuglaey“ er lítill eyja sem er í 20 mínútna bátsferð í burtu frá strendum Belize og hægt er að leigja alla eyjuna fyrir aðeins 60 þúsund krónur nóttina á Airbnb.
Því miður er dvöl á eyjunni fullbókuð næstu tvö árin en það er hinsvegar von fyrir okkur öll að skella okkur þangað sumarið 2019.
Á eyjunni er allt sem þarf til þess að gera fríið unaðslegt. Hægt er að skella sér á kajak, leggja sig í hengirúmum sem staðsett eru um alla eyjuna og kafa í fagurbláa vatninu sem umlykur eyjuna.
Það má einnig til gamans geta að á eyjunni er góð og gild internet tenging fyrir þá sem eru ekki tilbúnir að sleppa alveg tengingunni við umheiminn.