Það lítur út fyrir að söng- og leikkonan Jennifer Lopez sé að leita sér að íbúð með kærasta sínum, hafnaboltastjörnunni Alex Rodriguez. Lopez hefur að minnsta kosti sett tveggja hæða þakíbúð sína í New York á sölu.
Íbúðin er íburðarmikil og vill Lopez fá 27 milljónir dollara fyrir íbúð sína sem samsvarar tæpum þremur milljörðum íslenskra króna. Útsýni er yfir Madison Square Park úr íbúðinni sem er öll hin glæsilegasta.
Baðherbergið með baðkarinu er sérstaklega glæsilegt. Það er ekki erfitt að ímynda sér að húsráðandinn láti líða úr sér í baðinu eftir erfiðan dag í stóra eplinu.