Rómantískt rússneskt heimili

Rússland verður í eldlínunni næsta sumar þegar HM í knattspyrnu karla fer þar fram. Íslendingar munu eflaust fjölmenna á hótel og í leiguíbúðir. Hér gefur að líta eina einstaklega fallega og notalega rússneska íbúð sem var hönnuð af Andrei Popov. 

Íbúðin býr yfir gömlum rússneskum sjarma með gömlum málverkum og er svefnherbergið einstaklega bóhemískt. Sterki litirnir koma vel út og gerir blái liturinn í íbúðinni vistarverurnar notalegar. 

Ljósin í stofunni vekja mikla eftirtekt en það er ekki útilokað að rússneska ljósaperan hafi veitt ljósahönnuðinum innblástur.