Við Austurkór í Kópavogi stendur glæsilegt einbýli sem byggt var 2012. Húsið er 310 fm að stærð og sérlega vandað. Í eldhúsinu eru sérsmíðaðar innréttingar hjá RH-innréttingum og er granít í borðplötunum.
Inni á baðherbergjum eru handlaugar úr basalti sem koma frá Figaró en í stofunni veggur sem er klæddur basalti. Hann kemur líka frá Figaró. Í húsinu er mikið af sérsmíðuðum speglum og koma þeir allir úr Glerborg.
Á gólfunum er reykt og hvíttuð eik og er parketið niðurlímt. Flísarnar á gólfunum eru ítalskar.
Eins og sést á myndunum var sérstaklega vandað til verka.