Tískustraumar eru í jólaskreytingum eins og öðru. Jólatré á hvolfi þykja afar flott í ár en hægt er að kaupa slík tré í verslunum erlendis.
New York Post greinir frá því að jólatré á hvolfi skjóti nú upp kollinum á sífellt fleiri stöðum. Fatahönnuðurinn Karl Lagerfeld skreytti nýverið jólatré á Claridge's hótelinu í London. Þrátt fyrir að tréð snúi óvenjulega er það stórglæsilegt.
Siðurinn er reyndar ekki nýr en hann má rekja allt til Mið-Evrópu á tólftu öld þar sem toppurinn vísaði niður vegna hinnar heilögu þrenningar. í dag er hins vegar hefð fyrir því toppurinn vísi til himins og þar með himnaríkis.
Þessi nýja tíska er ekki bara fyrir hótel og aðra opinbera staði. Venjulegt fólk getur fjárfest í gervijólatré á hvolfi. Í Target í Bandaríkjunum er meðal annars hægt að fá rúmlega tveggja metra hátt gervijólatré. Eins og sést á myndinni er jólatrésfóturinn á toppi trésins.