Eitt af því sem heillar hvað mest við kvikmyndaiðnaðinn fyrir þá sem hafa gaman af hugmyndum og hönnun er þegar saga festir sig í huga manns og verður innblástur fyrir eitthvað sem maður er að gera til dæmis fyrir jólin.
Hin sænska Alicia Vikander í kvikmyndinni „Danish Girl“er innblástur fyrir okkur þessi jólin þegar kemur að skreytingum. Glöggir muna kannski eftir henni í fyrrgreindri kvikmynd þar sem hún skartar sínu fegursta í hlutlausum litum, með bláum, grænum og rauðum tónum. Með hárið klassískt og litla förðun. Allt við myndina minnir á listaverk, enda er hver einasti litur valinn af kostgæfni og hver rammi kvikmyndarinnar vel hugsaður út frá litum og formum.
Það má gera ýmislegt við kvikmyndir sem heilla. Klassískt yfirbragð og mattir tónar úr fyrrgreindri kvikmynd minna okkur á hátíðina. Svo af hverju ekki að nota þessa tóna og form til að leiða okkur áfram í að fegra umhverfið í kringum okkur fyrir jólin?
Við fundum þessar skreytingar á Pinterest.