Við Óðinsgötu í Reykjavík stendur ákaflega vel hönnuð og falleg þriggja herbergja íbúð. Íbúðin sjálf er 70 fm að stærð og stendur í húsi sem byggt var 1919. Ástríður Birna Árnadóttir arkitekt hannaði íbúðina og eins og sést á myndunum eru smekklegheitin í forgrunni.
Hvít látlaus innrétting prýðir eldhúsið og hvítlakkaðar innihurðir setja svip á íbúðina. Svo er innbúið ákaflega fallegt og látlaust.