Leikkonan Catherine Zeta-Jones hefur upp á síðkastið einbeitt sér meira að hönnun en kvikmyndaleik. Zeta-Jones sem gaf út heimilislínu í fyrra er dugleg að stílisera heimili sitt.
Leikkonan á tvo unglinga með eiginmanni sínum, leikaranum Micheal Douglas. Á dögunum birti hún mynd af svefnherbergi dóttur sinnar, Carys Zetu Douglas, sem er fjórtán ára en herbergið hannaði Zeta-Jones.
Herbergið er hlýlegt þar sem ljósir og fjólubláir litir hafa tekið yfir prinsessuherbergið og gefa herberginu ró og hlýleika. Stórt rúm er miðpunktur herbergisins og er það við hæfi enda fáir staðir í jafnmiklu uppáhaldi hjá unglingum og fermingarrúmið.