Sveinbjörg Birna Sveinbjörnsdóttir borgarfulltrúi hefur sett raðhús sitt við Bakkasel í Breiðholti á sölu. Húsið er 253 fm og var byggt 1974. Húsið er með góðum garði og skjólgóðum palli. Síðasta sumar var húsið málað að utan.
Heimilið er huggulegt og í stofunni fá bláir tónar að njóta sín. Búið er að endurnýja baðherbergi og skipta um gólfefni í húsinu.
Húsið er á þremur hæðum með aukaíbúð í kjallaranum.