Á fjórðu hæð í blokk í Lönguhlíðinni er að finna afar smekklega og fallega íbúð með útsýni yfir Klambratún. Blokkin sem teiknuð er af Einari Sveinssyni arkitekt fer ekki fram hjá neinum sem keyrir Miklubrautina en hringlaga gluggarnir og bogadregnar svalirnar vekja alltaf athygli.
Í þessari tveggja herbergja íbúð er einmitt að finna einn hringlaga glugga á baðherberginu sem hefur verið gert upp þannig að það minnir á gamla tíma. Í eldhúsinu er einnig að finna upprunalegu innréttinguna svo andi hússins fær að njóta sín í þessari stílhreinu íbúð.