Söngvarinn Jón Jónsson og Hafdís Björk Jónsdóttir tannlæknir hafa sett sína glæsilegu íbúð í Garðabænum á sölu. Þessi sómahjón kunna að gera fallegt í kringum sig.
Íbúðin sjálf er 113 fm að stærð og stendur í húsi sem byggt var 2008. Eldhúsið og stofan eru tengd en þó er eldhúsið ekki alveg inni í stofu heldur örlítið sér. Falleg dökk innrétting prýðir eldhúsið en hún er sérsmíðuð í Brúnás. Marmaraborðplata er í eldhúsinu og fyrir ofan innréttinguna eru hvítir efri skápar og lekkerar flísar.
Íbúðin er vel búin fallegum húsgögnum. Í stofunni er til dæmis Secto ljósið sem fæst í Módern og í eldhúsinu eru svartir stólar eftir Carl Hansen sem fást í Epal.
Svart og hvítt mætist í íbúðinni án þess að það verði of kalt heldur er heimilið hlýlegt.