Unnsteinn Manuel Stefánsson tónlistarmaður og Ágústa Sveinsdóttir hönnuður hafa sett íbúð sína við Njálsgötu á sölu. Þau eru bæði mjög smekkleg eins og sést á myndunum.
Íbúðin er 71 fm að stærð og stendur í húsi sem byggt var 1932. Heimilið er huggulegt en búið er að skipta um eldhús og endurnýja baðherbergi. Í eldhúsinu er svört innrétting en á baðinu fá hvítar franskar flísar að njóta sín.
Íbúðin er öll hvítmáluð og skipt var um gólfefni. Á hluta af íbúðinni er parket en önnur gólf eru flotuð.