Borgarfulltrúinn Eyþór Arnalds og Dagmar Una Ólafsdóttir hafa sett fallega hæð sína á Hrannarstíg á sölu. Ásett verð er 64,9 milljónir.
Íbúðin sem er staðsett í reisulegu steinhúsi í gamla Vesturbænum er 100 fermetrar. Húsið sjálft er 90 ára gamalt, byggt 1928, en búið er að endurnýja íbúðina að miklu leyti eins og sést vel á eldhúsinu. Opið er úr eldhúsinu inn í borðstofu en borðstofan og stofan mynda tvær samliggjandi sjarmerandi stofur.