Björn Leví Gunnarsson þingmaður Pírata og eiginkona hans Heiða María Sigurðardóttir hafa sett íbúð sína á sölu. Um er að ræða fjögurra herbergja íbúð og er ásett verð 40,9 milljónir.
Mikið útsýni er úr íbúðinni sem er staðsett í hárri blokk í Ljósheimum í grennd við Laugardalinn. Í einu herberginu eru húsráðendur með skrifstofu og kemur áhugi þeirra á Stjörnustríðsmyndunum bersýnilega í ljós enda hangir Star Wars-plaggat uppi á vegg og stormsveitarhjálmur uppi í hillu.