Fjölnisvegur 11 er eftirsótt fasteign eða alla vega hjá þeim sem eiga nóg af peningum. Húsið hefur verið í eigu ríkasta fólks Íslands en þar bjó til dæmis Skúli Mogensen og Hannes Smárason og Guðmundur Kristjánsson í Brimi og fleiri.
Fyrirtækið Sonja ehf. keypti húsið af Skúla sem er nú búið að selja það til Djengis ehf. Djengis ehf. er í eigu Ingólfs Abraham Shahin sem á 55,3 prósent í fyrirtækinu Guide to Iceland sem er bókunarfyrirtæki í ferðaþjónustu.
Guide to Iceland var stofnað árið 2012 og rekur fyrirtækið vefinn www.guidetoiceland.is. Fyrirtækið hefur vaxið mikið síðustu ár með auknum straumi ferðamanna til Íslands. Fyrirtækið greiddi út 600 milljóna arð í ár.
Það er ekkert skrýtið að Ingólfur hafi fallið fyrir þessu húsi. Það er á fjórum hæðum, rúmgott og smekklegt en nýlega var eldhúsið tekið í gegn og settar hvítar innréttingar, marmari og speglar.