Við Sólvallagötu í Reykjavík stendur 416 fm einbýli sem nýlega hefur verið tekið í gegn. Við húsið er sex bíla innkeyrsla en Einar Erlendsson fyrrverandi húsameistari ríkisins teiknaði húsið.
Fasteignamat hússins er 147.650.000 en óskað er eftir tilboði í það. Þegar húsið var endurnýjað var vandað til verka. Í eldhúsinu er tvílit innrétting, hvít sprautulökkuð og úr viði. Stílhrein eyja er í eldhúsinu en ljós eftir Tom Dixon og stólar eftir Daníel Magnússon setja svip sinn á eldhúsið.
Allar innihurðir og gluggar eru lökkuð í hvítu og gólfin eru parketlögð. Eins og sést á myndunum er mikið lagt í þetta hús sem er smekklega búið fantaflottum húsgögnum.