Ef þig langar í hús á einni hæð sem er súpervel skipulagt með fallegum innréttingum þá er þetta kannski hús fyrir þig. Það er 180 fm og byggt 2013. Um er að ræða endaraðhús þar sem náttúran flæðir inn í stofu.
Allar innréttingar eru dökkbæsaðar úr eik. Eldhúsið er opið inn í stofu með stórri eyju og miklu skápaplássi. Á eyjunni er gott vinnupláss en stóri skápaveggurinn í eldhúsinu geymir ísskáp og vinnuskáp þannig að hægt er að loka sem flest inni.
Húsið er málað í hlýlegum litum og er litapallettan mjúk og notaleg.