Ofurfyrirsætan Miranda Kerr bauð Allure í sýnisferð um baðherbergi sitt en á heimili hennar og Evan Spiegel, stofnanda Snapchat, er baðherbergið í sama rými og svefnherbergið. Á það sérstaklega vel við í hennar tilviki enda leggur hún mikið upp úr því að slaka á í baðinu og taka góða sturtu.
Frístandandi gamaldags baðkar setur fallegan svip á herbergið en Kerr segist passa sig sérstaklega vel þegar hún fer upp úr að skvetta ekki vatni yfir allt. Hún nýtur þess síðan að fara í heita sturtu og geta horft út. Mikill gróður er í kringum húsið en hún segist líka sjá út á haf úr sturtunni.