Garðar Lárusson, ráðgjafi á sviði smávirkjana og fyrrverandi ráðgjafi NATO í Afganistan setur einstakt einbýlishús sitt í hjarta gamla Vesturbæjarins á sölu. Húsið er við Hávallagötu, er eitt af fallegustu einbýlishúsum miðborgarinnar í funkisstíl og af mörgum talið eitt af best hönnuðu húsum Einars Sveinssonar arkitekts.
Staðsetningin er einstök, í hjarta sendiráðshverfis borgarinnar og fylgir því stór afgirtur garður með heitum potti.
Garðar leitar sér að einbýli nær alþjóðaflugvellinum í Keflavík með a.m.k. 100 fm bílskúr en brennandi áhugi á söfnun og varðveislu gamalla gæðabíla drífur hann af stað úr Vesturbænum eftir áratuga búsetu þar.