Þegar Harry og Meghan eru ekki í London njóta þau að dvelja í húsi sem þau eru með á leigu á Cotswolds-svæðinu á Englandi. Er húsið stærra en það sem þau hafa til umráða í Kensington-höll og staðurinn sagður í miklu uppáhaldi hjá Meghan.
Í dag, miðvikudag, birti The Sun myndir af gamla sveitabænum og svæðinu í kring en húsið var tekið í gegn árið 2011. Harry og Meghan tóku húsið á leigu í tvö ár í fyrravor en því fylgir fallegt útsýni og mikið næði enda sjá ekki nágrannar til þeirra í húsinu.
Húsið er með fjórum svefnherbergjum, einu er búið að breyta í fataherbergi. Tvö eldhús eru í húsinu en búið er að breyta hlöðunni og setja stórir gluggar svip á rýmið. Einnig fylgir tveggja svefnherbergja útihús húsinu þar sem starfsfólk hjónanna dvelur að öllum líkindum.
Nágrannar þeirra og gestir eru ekki af verri endanum en hjónin eru sögð hafa tekið á móti Clooney-hjónunum, Serenu Williams og eiginmanni hennar Alexis Ohanian og Priyönku Chopra og eiginmanni hennar Nick Jonas á bænum.
Hér má sjá myndina af húsi hjónanna.