Einn af vinsælustu innanhússarkitektum landsins, Thelma B. Friðriksdóttir, hefur sett sitt glæsilega einbýli á sölu. Húsið er við Móaflöt í Garðabæ og er einstaklega smekklegt. Húsið var byggt 1972 og er 237 fm að stærð.
Eldhúsið setur svip sinn á húsið. Eyjunni er til dæmis pakkað inn í marmara en innréttingin sjálf er svört með svörtum höldum og svörtum borðplötum. Á bak við eyjuna er fallegur lokaður skápur úr við sem geymir allar gersemar eldhússins. Eldhúsið er opið inn í stofuna en þar er arinn og húsgögnum raðað upp á huggulegan hátt.
Heimili Thelmu og eiginmanns hennar er með fimm svefnherbergjum og er hver krókur nýttur til fulls.